У Пінску ўшанавалі памяць св. Антонія Падуанскага.

     13 чэрвеня, у дзень літургічнага ўспаміну св. Антонія Падуанскага, у пінскай катэдры адбылася адмысловая св. Імша, якую ўзначаліў біскуп Пінскі Антоні Дзям’янка.

     У гаміліі пастыр дыяцэзіі звярнуў увагу сабраных на старадаўні цудадзейны абраз св. Антонія, які знаходзіцца ў бакавым алтары базылікі.

     Паводле слоў іерарха, гэтая выява святога ў горадзе над Пінай з’яўляецца яскравым знакам таго, што з даўніх вякоў культ св. Антонія быў і застаецца вельмі жывы на нашых землях. Сведчыць пра гэта і папулярнасць імя гэтага святога на Беларусі.

     У гаміліі біскуп наблізіў прысутным таксама постаць святога з Падуі, паказваючы як Божы Провід вёў яго па жыцці і дазволіў праз пакору і манаскую руплівасць дасягнуць вяршыняў святасці.

     На заканчэнне літургі сабраныя вернікі, святары, а таксама супольнасць Міждыяцэзіяльнай вышэйшай духоўнай семінарыі ў Пінску павіншавалі біскупа Антонія з імянінамі.

Аўтар: Кс. Андрэй Рылка

фота: Уладзіслава Козела

Кантакты

Леніна 16, 
225710, г. Пінск, Брэсцкая вобл.

Тэл. для даведак: (0165)65 41 45;      +375 256 044 186
Для лістоў:  Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Супольнасць ў сацыяльных сетках: