У семінарыі ў Пінску прайшла акцыя «Стань семінарыстам на ўікэнд».

    3-4 лютага ў Міждыяцэзіяльнай вышэйшай духоўнай семінарыі ў Пінску праходзіла адмысловая акцыя пад назвай «Стань семінарыстам на ўікэнд», падрыхтаваная для юнакоў, якія разважаюць над сваім пакліканнем. У мерапрыемстве прынялі ўдзел маладыя людзі з Пінскай дыяцэзіі і Мінска-Магілёўскай архідыяцэзіі.

    Як ужо паведамлялася, такога тыпу душпастырская акцыя для юнакоў праводзіцца ў многіх семінарыях свету. Яна дазваляе маладым людзям бліжэй пазнаёміцца з жыццём духоўнай установы, якая займаецца фармацыяй будучых святароў. У пінскай семінарыі гэтая сустрэча збірае юнакоў ужо другі год.

    Некаторыя ўдзельнікі мінулых сустрэч у межах акцыі мелі магчымасць больш рашуча адказаць на голас Хрыстовага паклікання і паступіць на вучобу ў семінарыю.

    На гэты раз юнакі маглі не толькі акунуцца ў рытм жыцця семінарыстаў, але і актыўна паўдзельнічаць у падрыхтоўцы разнастайных заданняў і служэнняў, якія выконваюць кандыдаты да святарства. Гэта і падрыхтоўка літургіі, і аздабленне капліцы, і звычайны клопат пра штодзённыя патрэбы духоўнай супольнасці. Шмат часу маладыя людзі мелі на асабістую малітву ў капліцы семінарыстаў, а таксама на духоўныя размовы са святарамі і навучэнцамі.

    Час прайшоў хутка, вельмі насычана, прыносячы багатыя духоўныя плёны, аб чым шчыра сведчылі ўдзельнікі.

    Наступная акцыя «Стань семінарыстам на ўікэнд», калі юнакі зноў змогуць бліжэй пазнаёміцца з семінарыяй, запланавана на 26-27 мая.

Паводле Catholic.by

Кантакты

Леніна 16, 
225710, г. Пінск, Брэсцкая вобл.

Тэл. для даведак: (0165)65 41 45;      +375 256 044 186
Для лістоў:  Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Супольнасць ў сацыяльных сетках: